Qazaqstandyq tennısshiler Horvatııadaǵy týrnırdiń fınalyna shyǵa almady
NUR-SULTAN. QazAqparat – Qazaqstandyqtar Aleksandr Nedovesov pen Andreı Golýbev juptyq synda Horvatııadaǵy Splıt 2 chellendjer týrnıriniń fınalyna shyǵa almady, dep habarlaıdy QazAqparat tilshisi.
Dodanyń 2-raketkalary bolyp tirkelgen qazaqstandyq jup jartylaı fınalda Polsha ókilderi Shımon Valkov – ıAn Zelınskımen kezdesti.
Budan bir apta buryn Splıttegi osyndaı birinshi jarystyń fınalynda qazaqstandyqtar Sh.Valkov pen ıA.Zelınskıdi utyp, chempıon atanǵan bolatyn.
Bul joly polıaktar sáttirek oınady. Olar birinshi partııada 6:3 esebimen basym tústi. Ekinshi sette taı-breıkte jeńisti bermedi – 7:6 (7:1).
Báseke 1 saǵat 19 mınýtqa sozyldy.
Fınalda Sh.Valkov pen ıA.Zelınskı frantsııalyqtar Gregýar Barrer – Albano Olıvettımen bas júldeni sarapqa salady.
Qazaqstannyń ekinshi, álemniń 101-raketkasy Mıhaıl Kýkýshkın Barselona ATP týrnıriniń irikteý saıystarynda baq synaıdy. Ol bastapqy kezdesýinde dúnıejúzilik reıtıngte 293-orynda turǵan ıspanııalyq Karlos Hımeno Valeromen sheberlik baıqasady.
Eske sala keteıik, budan buryn ıÝ.Pýtıntsevanyń Qazaqstan – Argentına matchyn jeńispen bastaǵanyn, keıin eseptiń teńeskenin jazǵan bolatynbyz.
Argentınanyń Kordova qalasynda eki eldiń arasyndaǵy match qaıta jalǵasady.
Búginge Elena Rybakına – Nadıa Podoroska, ıÝlııa Pýtıntseva – Marııa Lýrdes Karle, juptyq synda ıAroslava Shvedova men Anna Danılına jáne N.Podoroska men M.L.Karle kezdesýi josparlanyp otyr. Matchtyń ótýine jáne oıynshylardyń jaǵdaıyna qaraı ózgerister engizilýi yqtımal.
