Qazaqstandyq tennısshiler halyqaralyq týrnırlerdiń jartylaı fınalyna shyqty
NUR-SULTAN. QazAqparat – Qazaqstandyq tennısshiler Jibek Qulambaeva men Aleksandr Nedovesov halyqaralyq týrnırlerdiń jartylaı fınalyna shyqty, dep habarlaıdy QazAqparat tilshisi.
J. Qulambaeva juptyq synda latvııalyq Dıana Martsınkevıchpen birge Italııanyń Breshııa qalasynda ITF W60 jarysynda sátti óner kórsetti.
Jibek pen Dıana shırek fınalda osy týrnırdiń ekinshi raketkalary, taıbeılik ıÝ Chen Hsıeh - shveıtsarııalyq Ksenııa Knolmen kúsh synasty. Qazaqstandyq-latvııalyq jup eki saǵatqa jýyq ýaqytqa sozylǵan tartysty básekede 4:6. 7:6 (7:3), 10:3 esebimen jeńiske jetti.
J. Qulambaeva men D. Martsınkevıch júlde qory 60 myń AQSh dollary bolatyn dodanyń fınalyna shyǵý úshin rýmynııalyq Andreıa Prıshakarıý – ıtalııalyq Kamılla Rozatellomen talasady.
A. Nedovesov pákistandyq Aısam Kýreshımen birge Ulybrıtanııada Sýrbıton chellendjer jarysynyń shırek fınalynda bir saǵatqa sozylǵan matchta amerıkalyq Brendon Nakasıma – aýstralııalyq Alekseı Popyrınnen aılasyn asyrdy – 6:3, 6:4.
Týrnırdiń úshinshi raketkalary bolyp tirkelgen A. Nedovesov pen A. Kýreshı jartylaı fınalda úndistandyq Dıvıj Sharan – jańazelandııalyq Artem Sıtakpen sheberlik baıqasady.
Eske sala keteıik, budan buryn Jibek Qulambaevanyń Italııadaǵy týrnırdiń shırek fınalyna shyqqanyn, tennısten Qazaqstan áıelder quramasynyń álemdik reıtıngide úzdik ondyqqa engenin jazǵan bolatynbyz.
