Qazaqstandyq tennısshiler halyqaralyq týrnırlerdi jeńispen bastady
Qazaqstannyń ekinshi, álemniń 144-raketkasy Tımofeı Skatov Konsepson qalasyndaǵy (Chılı) chellendjer jarysynyń ekinshi aınalymyna shyqty.
Petropavl qalasynyń túlegi dúnıejúzilik reıtıngte 166-orynda turǵan taıbeılik Výn-Lın Výdi tartysty matchta 7:5, 7:6 (8:6) esebimen utty.
T.Skatov shırek fınalǵa shyǵý úshin álemniń 260-raketkasy, kolýmbııalyq Nıkolas Mehııamen talasady.
Taǵy bir qazaqstandyq, álemniń 196-raketkasy Mıhaıl Kýkýshkın alǵashqy aınalymda reıtıngte 131-satydaǵy bolıvııalyq Ýgo Delenmen sheberlik baıqasady.
Úndistannyń Pýna qalasynda áıelder arasynda júlde qory 40 myń AQSh dollaryna baǵalanǵan ITF World Tennis Tour dodasy ótýde.
Munda Jibek Qulambaeva (483 WTA) birinshi kezdesýinde reıtıngte ózinen áldeqaıda joǵary turǵan reseılik Ekaterına Reıngoldti (294 WTA) tize búktirdi – 0:6, 6:2, 7:6 (7:4). Al Gózal Aınıtdınova (585 WTA) japonııalyq Fýna Kozakıdiń (861 WTA) mysyn basty – 5:7, 6:3, 6:2.
Bul týrnırde qazaqstandyq sportshylar juptyq synda da óner kórsetedi.
Eske sala keteıik, budan buryn Aýstralııa chempıonatynda Elena Rybakınanyń alǵash ret jartylaı fınalǵa shyqqanyn jazǵan edik.
Sondaı-aq Elena Rybakına qazaqstandyq tennısshilerden alǵash ret TOP-10-ǵa enýge jaqyn tur.
Elena Rybakına 669 myń dollar tabys tapty.
Elena Rybakınanyń jartylaı fınaldaǵy qarsylasy anyqtaldy.
Foto: Qazaqstan tennıs federatsııa
