Qazaqstandyq tennısshiler halyqaralyq týrnırlerde sátti óner kórsetýde
ORAL. QazAqparat - Qazaqstandyq tennısshiler halyqaralyq týrnırlerde sátti óner kórsetýde, dep habarlaıdy QazAqparat tilshisi.
Túrkııanyń Ystanbul qalasynda ótip jatqan jarystyń alǵashqy aınalymynda dúnıejúzilik reıtıngte 83-inshi orynda turǵan ıÝlııa Pýtıntseva álemniń 34-inshi raketkasy, rýmynııalyq Sorana Kyrstıamen kezdesti. Eki saǵattaı ýaqytqa sozylǵan básekede qazaqstandyq tennısshi 0:6, 6:1, 6:0 esebimen jeńiske jetti.
Júlde qory 250 myń AQSh dollaryn quraıtyn jarystyń shırek fınalyna shyǵý úshin ıÝ.Pýtıntseva álemniń 122-inshi raketkasy, frantsııalyq Polın Parmantemen sheberlik baıqasady.
Sol sekildi erler arasynda Aleksandr Býblık Býdapesht týrnıriniń (júlde qory - 618510 AQSh dollary) ekinshi aınalymyna shyqty. Dúnıejúzilik reıtıngte 143-inshi orynda turǵan A.Býblık álemniń 87-inshi raketkasy, ózbekstandyq tájirıbeli tennısshi Denıs Istomındi tize búktirdi. 2 saǵat 41 mınýtqa sozylǵan asa tartysty kezdesýde Aleksandr 6:7 (6:8), 7:6 (7:5), 7:5 esebimen bsym tústi.
Shırek fınalǵa joldama alý úshin A.Býblık Germanııa eliniń ókili, álemniń 61-inshi raketkasy ıAn-Lennard Shtrýffpen talasady.
Eske sala keteıik, Shtýtgartta negizgi týrnırge ótken Qazaqstannyń birinshi, álemniń 52-inshi raketkasy Zarına Dııas dúnıejúzilik reıtıngte 56-ynshy satyda turǵan germanııalyq Karına Vıtteftpen kúsh synasady. Álemniń birinshi raketkasy, rýmynııalyq Sımona Halep bastaǵan myqtylar qatysyp jatqan bul jarystyń júlde qory - 816 myń AQSh dollary.
