Qazaqstandyq tennısshiler FedCup týrnıriniń álemdik tobyna enýge tyryspaq

Álemdik topqa ótý úshin 7 qurama talasqa túsedi. ıAroslava Shvedova, Sesıl Karatancheva, Ksenııa Pervak, Galına Voskoboeva syndy beldi sportshylarymyzdan quralǵan ulttyq qurama FedCup týrnıriniń álemdik tobyna ený úshin 6-7 aqpan kúnderi Úndistan men Taıland quramalaryna qarsy saıysqa shyǵady.

«Sársenbi kúni Úndistan quramasymen, beısenbide Taılandpen kezdesý ótkizemiz. Ary qaraı kimmen jolyǵatynymyz oıyn barysyna baılanysty bolady. Erteń biz komandamen birge bul týrnırde úndi quramasyna qarsy alǵashqy qadamymyzdy bastaımyz. Bizdiń komandany óte tájirıbeli tennısshiler usynatyn bolady. Men kapıtan retinde bizdiń komanda kez kelgen qarsylasqa daıyn ekendigin aıta alamyn», - dedi komanda kapıtany ıÝrıı Karlov búgin elordada ótken baspasóz máslıhatynda.

Sońǵy birneshe jyl qazaqstandyq tennısshiler FedCup týrnıriniń álemdik tobyna enýge birtaban jaqyn qalǵanda jeńilis taýyp keledi. Byltyr ulttyq qurama qyzdary sońǵy matchta qytaılyq tennısshilerge jol berip qoıǵan bolatyn. Bıyl Lı Na bastaǵan kileń myqty qytaılyq tennısshi jaraqattaryna baılanysty qatyspaıtyn boldy. Esesine Taıland pen qytaılyq Taıpeı edáýir kúshti oıyn kórsetip júr. Qazaqstandyq komanda múshelerine osy memleketterdiń oıynshylary basty qarsylas bolmaq.

«Bizde jeńiske degen óte jaqsy múmkindikter bar. Bıyl bizde myqty komanda jasaqtaldy, men úshin osy quramada oınaý úlken mártebe», - deıdi qurama oıynshysy Sesıl Karatancheva.

«Biz ótken aptadan bastap federatsııa kýbogine jattyǵýdy bastadyq. Sesıl, Ksenııamen birge óte jaqsy daıyndyqtan óttik. Devıs kýbogine jankúıer de bolyp, jigitterimizdiń jeńisinen, energııasynan qýat aldyq. Búgin bizde sońǵy jattyǵý bolady, menińshe, aldaǵy matchtarǵa biz tastúıin daıynbyz», - dep atap kórsetti ıAroslava Shvedova.

Aıta keteıik, osynaý deńgeıdegi týrnır elordada alǵash ret ótkizilip otyr.