Qazaqstandyq tennısshiler Devıs kýbogy básekesindegi alǵashqy oıynyn Chehııa quramasymen ótkizedi
ALMATY. Qyrkúıektiń 27-si. QazAqparat /Erbol Turymbetov/ - Tennısten Qazaqstan komandasynyń «Devıs» kýbogy jolyndaǵy kelesi qarsylasy bolyp Chehııa quramasy tanyldy.
Budan buryn qazaqstandyq tennısshi jigitter Shveıtsarııa quramasyn 5:0 esebimen utyp, kelesi kezeńge joldama alǵan bolatyn.
Qyrkúıektiń 23-i kúni Brıýsselde ótken jerebe tartý rásiminde Chehııa komandasy bizge qarsylas atandy. Ótken kezdesýde shveıtsarııalyqtar komanda sapynda Rodjer Federerdiń joqtyǵymen álsiz bolǵan edi. Alaıda oıynshylar quramyna Vavrınka men Kıýdınnelıden de myqty tennısshilerdi jınaǵan Chehııa komandasy bizdiń tennısshilerimizge op-ońaı jeńe salatyn qarsylas dep aıta almaımyz.
Chehııa quramasynyń bas bapkeri (resmı ataýy kapıtan) ıAroslav Navratıl sońǵy Serbııaǵa qarsy kezdesýge Tomash Berdyh, Radek Shtepanek, ıAn Gaıek jáne Ivo Mınarjdy shaqyrǵan bolatyn. 3:2 esebimen utylǵan Chehııa Novak Djokovıch bastaǵan álemniń úzdik tennısshilerine tegeýrindi qarsylastyq bildirdi. ıAn Gaıek pen Ivo Mınarj qurama sapyna birde alynyp, birde alynbaı júrgender bolsa, Radek Shtepanek pen Tomash Berdyhtar úlken tennıste birshama jetistikke jetken, azýlylar qataryna jatady.
Tomash Berdyh - álemdik reıtıngte 7-shi satyda turǵan ataqty tennısshi. 25 jasar jigittiń 2004-jyly Afıny Olımpıadasynda Rodjer Federerdiń ózin jarystan shyǵarǵany biraz jaıttyń betin ashyp tur. 2009 jyly Chehııa quramasymen «Devıs» kýbogynyń fınalyna shyqqany da bizdiń jigitter úshin oıǵa alarlyq aqparat. Ústimizdegi jyly aǵylshynnyń ashyq birinshiligi sanalatyn «Ýımbldon» men «Masters» týrnırleriniń aqtyq synyna shyqqan Tomash, sońǵy sátte ǵana súringen edi.
Radek Shtepanek jaıly sóz qozǵaǵanda onyń juptasyp óner kórsetýde óte myqty ekenin basa aıta ketý kerek. Sebebi, keler jyly Pragada ótetin kezdesýde juptasyp oınaıtyn báseke bolatyny belgili. Eń sheshýshi - úshinshi kúnge qoıylatyn bul synda jeńiske jetý úshin dál Radek sekildi negizgi kúshti óz moınyna alatyn tennısshiler qajet ekeni anyq. R. Shtepanek - álemdik tennıske aty kópten tanymal, tájirıbeli sportshy. 2003 jyldan beri óziniń jekeleı óner kórsetip, tabysqa jete alatynyn dáleldep keledi. Sózimizge aıǵaq retinde 2006 jylǵy Rotterdamdaǵy jeńiske jetken alǵashqy týrnırin aıta alamyz. Osydan keıin tennıs kóginde jarqyraı bastaǵan chehııalyq Parıjdegi «Masters» jarysynyń fınalynda ataqty Marat Safınge utylyp qalǵan bolatyn. Onyń jekeleı óner kórsetýdegi eń úzdik nátıjesi «Ýımbldonnyń» shırek fınaly bolsa, juptasyp saıysýda Irjı Novakpen birge «US Open» dodasynyń fınalısi atanǵan.
