Qazaqstandyq tennısshiler Brısbendegi halyqaralyq tennıs týrnırine qatysýda
ALMATY. 3 qańtar. QazAqparat /Erlik Erjanuly/ - Avstralııanyń Brısben qalasynda 1 qańtarda tennısten júlde qory 655 myń AQSh dollaryn quraıtyn halyqaralyq týrnır bastaldy.
Ol 8 qańtarǵa deıin sozylmaq. Búgin onda jekeleı synda qazaqstandyq Galına Voskoboeva 1/8 fınaldyq synda ıtalıandyq Francheska Skıavonemen kezdesti. Bul saıys 4:6, 4:6 esebimen F. Skıavoneniń paıdasyna sheshildi. Keshe G. Voskoboeva reseılik Vera Dýshevınany 6:0, 6:0 esebimen oısyrata utqan edi. Al F. Skıavone 1-aınalymda qazaqstandyq Ksenııa Pervakpen kezdesti. Onda birinshi kezeń 4:4 esebimen aıaqtalǵanymen, Ksenııa jarysty ári qaraı jalǵastyrýdan bas tartqandyqtan ıtalıandyq sportshy týrnırdiń kelesi kezeńine ótken bolatyn. Búgin endi Voskoboeva - Hsı juby endi Danıılıda men Hertsog jubymen 1/8 fınaldyq saıysyn ótkizedi. Galına Voskoboeva men Iveta Beneshova 2007 jyly juptyq synda 2-oryn alǵan bolatyn. Olar aqtyq kezdesýde ǵana Dınara Safına men Katerına Srebotnıkke 6:3, 6:4 esebimen ese jibergen edi.
Búgin sondaı-aq, erler arasynda jekeleı synnyń alǵashqy aınalymy bastalady. Onda qazaqstandyq Mıhaıl Kýkýshkın anglııalyq Endı Marreımen kúsh synysady.
