Qazaqstandyq tennısshiler Brısbendegi halyqaralyq tennıs týrnırin erte aıaqtaýǵa májbúr boldy
ALMATY. 4 qańtar. QazAqparat /Erlik Erjanuly/ - Avstralııanyń Brısben qalasynda ótir jatqan WTA jáne ATR serııasyndaǵy halyqaralyq týrnırinde qazaqstandyq Galına Voskoboeva 2007 jylǵy nátıjesin qaıtalaı almady.
5 jyl buryn ol Iveta Beneshovamen birge juptyq saıysta ekinshi oryn alǵan bolatyn. Bul joly qytaılyq Sý-Veı Hsımen jup qurǵan ol 1/8 fınalǵa deıin ǵana jetti. Olar grekııalyq Elenı Danılıdı men slovenııalyq Polona Hertsogqa 5:7, 6:3, 4:10 esebimen ese jiberdi.
Galına jekeleı synda da 1/8 fınaldan óte almady. Reseılik Vera Dýshevınany (6:0, 6:0) oısyrata utqan onyń jolyn ıtalıandyq Francheska Skıavone (4:6, 4:6) kesti. Bul sportshy buǵan deıin jarysty negizgi kesteden bastaǵan qazaqstandyq taǵy bir tennısshi Ksenııa Pervakty jarys jolynan shyǵaryp tastaǵan bolatyn. Týrnırde irikteý kezeńinen bastaǵan Sesıl Karatancheva qytaılyq Chen Kaı Changtan (6:4, 6:2) basym túskenimen grýzııalyq Anna Tatıshvılıge (6:7, 6;4, 6:7) ese jiberdi. Erler arasynda baq synaǵan Mıhaıl Kýkýshkın bolsa alǵashqy irikteý synynda aǵylshyn Endı Marreıden (5:7, 6:3, 6:2 ) aılasyn asyra almady.
