Qazaqstandyq tennısshiler Bolgarııadaǵy jarystyń shırek fınalyna shyqty
ASTANA. QazAqparat – Qazaqstandyqtar Andreı Golýbev pen Aleksandr Nedovesov juptyq synda Sofııa (Bolgarııa) ATP 250 jarysynyń shırek fınalyna shyqty, dep habarlaıdy QazAqparat tilshisi.
Qazaqstandyq jup bastapqy kezdesýin nıderlandylyq Robın Hase – aýstrııalyq Fılıpp Osvaldpen ótkizdi.
A.Golýbev pen A.Nedovesov qarsylastaryn 6:3, 7:6 (7:5) esebimen tize búktirdi. Olar saǵat jarymǵa jýyq ýaqytqa sozylǵan báseke barysynda 6 eıs jasap, 6 breık-poınttyń bireýin paıdalandy.
Qazaqstandyq jup jartylaı fınal joldamasyn jarystyń 4-raketkalary, monakolyq Hıýgo Nıs – polıak ıAn Zelınskı nemese amerıkalyq Hýnter Rıs – Polshanyń taǵy bir ókili Shımon Valkov juptarynyń qaı jeńgenimen sarapqa salady.
Eske sala keteıik, budan buryn Aleksandr Býblıktiń álemdik reıtıngide TOP-40-qa jýyqtaǵanyn jazǵan bolatynbyz.
Sondaı-aq qazaqstandyq tennısshi Lıssabon týrnırin jeńispen bastady.
