Qazaqstandyq tennısshiler Azııa jabyq chempıonatynyń jeńimpazy atandy
NUR-SULTAN. QazAqparat - Tashkentte 14 jasqa deıingi jasóspirimder arasyndaǵy tennısten halyqaralyq týrnır aıaqtaldy. Bizdiń jas tennısshilerimiz qaraǵandylyq Maksım Batıýtenko men Nur-Sultannan barǵan Sandýǵash Kenjebaeva bedeldi jarystyń jeńimpazy atandy, dep habarlaıdy sports.kz.
Jartylaı fınalda Maksım koreılik Jangı Kımmen kezdesip 6:4, 6:4 esebimen basym tústi. Birinshi orynǵa talas kezeńinde Batıýnenko týrnırdiń ekinshi raketkasy taılandtyq S.Saeoýımen baq synasyp, 6:4, 6:1 esebimen jeńiske jetti.
Qyzdar arasyndaǵy týrnırdiń fınalynda Sandýǵash Úndistannan kelgen Parı Sınghpen oınap,ony 6:4, 6:3 esebimen súrindirdi.
Eki jas tennısshi bul chempıonattaǵy jeńisteri úshin Halyqaralyq tennıs federatsııasy (ITF) atynan bıylǵy jazda Eýropada ótetin joǵary deńgeıdegi týrnırge qatysýǵa joldama aldy.
