Qazaqstandyq tennısshiler Aýstralııa ashyq chempıonatynyń irikteý saıysyn sátti bastady
NUR-SULTAN. QazAqparat - Qazaqstandyq tennısshiler Aýstralııa ashyq chempıonatynyń irikteý saıysyn sátti bastady, dep habarlaıdy QazAqparat tilshisi.
Álemniń 182-raketkasy Mıhaıl Kýkýshkın dúnıejúzilik reıtıngte 233-orynda turǵan bosnııalyq Mırza Bashıchpen kezdesti.
Qazaqstandyq tennısshi 6:2, 6:3 esebimen jeńiske jetti.
Taǵy bir qazaqstandyq, reıtıngte 180-satydaǵy Dmıtrıı Popko álemniń 124-raketkasy, ıspanııalyq Sapata Mırales Bernabemen sheberlik baıqasty.
D.Popko qarsylasyn 6:1, 7:5 esebimen utty.
Sondaı-aq reıtıngte 257-oryndaǵy Tımofeı Skatov álemniń 150-raketkasy, frantsııalyq Ýgo Greneden aılasyn asyrdy - 6:3, 6:2.
Іrikteý saıystarynyń fınalyna shyǵý úshin M.Kýkýshkın reıtıngte 230-oryndaǵy nıderlandylyq Robın Hasemen, D.Popko 990-satydaǵy aýstralııalyq Fılıp Sekýlıchpen, T.Skatov taǵy bir aýstralııalyq, álemniń 497-raketkasy Deın Sýınımen talasady.
Aýstralııa ashyq chempıonaty - jyl saıyn ótetin «Úlken dýlyǵa» týrnıriniń alǵashqysy. Negizgi týrnırde Qazaqstannyń birinshi, álemniń 36-raketkasy Aleksandr Býblık baq synaıtyn bolady.
Eske sala keteıik, budan buryn Elena Rybakınanyń Adelaıda týrnıriniń fınalynda jeńilip qalǵanyn jazǵan bolatynbyz.
