Qazaqstandyq tennısshiler Australian Open-2013 saıysynyń alǵashqy aınalymynan asa almady
ASTANA. 14 qańtar. QazAqparat Qazaqstandyq tennısshi Galına Voskoboeva Avstralııanyń ashyq chempıonaty «Úlken Shlem» týrnırindegi alǵashqy aınalymynda amerıkalyq Vınýs Ýılıamske jol berdi.
Apaly-sińlili Ýılıamsterdiń úlkeni Galınaǵa qarsy saıysty aıqyn basymdylyqpen ótkizip, bizdiń jerlesimizge tek bir geımdi ǵana berip qoıdy. Osylaısha Vınýs Ýılıams Galına Voskoboevaǵa esh múmkindik qaldyrmaı, ekinshi partııany «6:0» esebimen aıaqtady. Endi kelesi kezekte Ýılıams frantsııalyq Alıza Kornege nemese jańa zelandııalyq Marına Erakovıchke qarsy oınaıdy.
Budan bólek taǵy bir qazaqstandyq tennısshi Sesıl Karatancheva Melbýrndegi osynaý týrnırde qytaı qyzy Na Lıden aılasyn asyra almady. Bunda da birinshi sette Na Lı 6:1 esebimen aıqyn basymdyq tanytqan bolatyn. Al ekinshi sette jerlesimiz Karatancheva qansha qarsylyq tanytqanymen, ákki qytaılyq tájirıbesiniń moldyǵymen taǵy da utyp, ekinshi aınalymǵa ótti.
Tennıs. Australian Open-2013. Melbýrn
Áıelder. Jeke razrıad. 1-i aınalym:
Vınýs Ýılıams (AQSh) - Galına Voskoboeva (Qazaqstan) - 6:1, 6:0;
Na Lı (Qytaı) - Sesıl Karatancheva (Qazaqstan) - 6:1, 6:3.
