Qazaqstandyq tennısshiler Argentınadaǵy týrnırdiń fınalyna shyǵa almady
ASTANA. QazAqparat - Qazaqstandyqtar Aleksandr Nedovesov pen Andreı Golýbev Kordoba (Argentına) ATP 250 týrnıriniń fınalyna shyǵa almady, dep habarlaıdy QazAqparat tilshisi.
Qazaqstandyq jup jartylaı fınalda osy jarystyń ekinshi raketkalary, argentınalyqtar Maksımo Gonsales - Andres Moltenımen sheberlik baıqasty.
Kort ıeleri 6:4, 6:3 esebimen jeńiske jetti.
Bir saǵat 10 mınýtqa sozylǵan kezdesýde A.Golýbev pen A.Nedovesov 1 eıs jasap, 1 breık-poıntty paıdalana bildi. Qarsylastary 2 eıs, 3 breıkpen (7 breık-poınt) kózge tústi.
Eske sala keteıik, budan buryn elimiz tennısshileriniń Argentınadaǵy jarystyń jartylaı fınalyna shyqqanyn jazǵan bolatynbyz.
Foto - Qazaqstan tennıs federatsııasy
