Qazaqstandyq tennısshiler álemdik reıtıngte jeke rekordtyq nátıjege qol jetkizdi

NUR-SULTAN. QazAqparat – Qazaqstandyq tennısshiler Andreı Golýbev pen Grıgorıı Lomakın álemdik reıtıngte jeke rekordtyq nátıjege qol jetkizdi, dep habarlaıdy QazAqparat tilshisi.

Qazaqstan tennıs federatsııasy málim etkendeı, Andreı Golýbev juptyq synda 24-orynǵa kóterildi. Ol sporttyq jolynda mundaı satyǵa joǵarylap kórmegen edi.

Taǵy bir qazaqstandyq, ótken aptada juptyq synda Kolýmbııadaǵy týrnırdiń fınalyna deıin jetken Grıgorıı Lomakın birden 48 satyny artta qaldyrdy. Ol qazir 265-satyda.

Qazaqstannyń birinshi raketkasy Aleksandr Býblık jekeleı synda 37-nshi, Mıhaıl Kýkýshkın 160-orynda keledi.

Dmıtrıı Popko 175-ten 169-ǵa kóterildi. Tımofeı Skatov – 193-inshi, Denıs Evseev – 341-inshi, Beıbit Jýkaev 509-satyda tur.

Qazaqstannyń áıelder arasyndaǵy birinshi raketkasy Elena Rybakına 18-orynda qalsa, ıÝlııa Pýtıntseva 47-den 46-ǵa aýysty. Zarına Dııas 112-den 113-ke syrǵydy.

Juptyq synda Anna Danılına 21-inshi, Jibek Qulambaeva 302-orynda keledi.

Eske sala keteıik, budan buryn Qazaqstan jasóspirimder quramasynyń qarsylastary anyqtalǵanyn jazǵan bolatynbyz.