Qazaqstandyq tennısshiler álemdik reıtıngide joǵary kóterildi
NUR-SULTAN. QazAqparat – Kásipqoı tennısshiler qaýymdastyǵy (ATP) jáne Áıelder tennısi qaýymdastyǵy (WTA) jańartylǵan reıtıngini jarııa etti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elimizdiń birinshi raketkasy Aleksandr Býblık ekinshi apta boıy kórsetkishin jaqsartyp keledi. Qazirgi kezde ol 36-dan 33-orynǵa kóterildi.
Dmıtrıı Popko 173-ten 171-ge, Tımofeı Skatov 193-ten 191-ge jaıǵassa, Mıhaıl Kýkýshkın 162-den 167-ge syrǵydy. Denıs Evseev 347-inshi, Beıbit Jýkaev 512-orynda qaldy.
Juptyq synda Andreı Golýbev 26-ynshy, Aleksandr Nedovesov 62-satyda tursa, Grıgorıı Lomakın 242-satyǵa joǵarylady.
Qazaqstannyń birinshi raketkasy Elena Rybakına burynǵysha 19-orynda. Al ıÝlııa Pýtıntseva 52-den 51-ge, Zarına Dııas 113-ten 112-ge kóterildi.
Juptyq synda Anna Danılına 20-synshy, Jibek Qulambaeva 301-inshi, Gózal Aınıtdınova 498-satyda keledi.
Qazaqstandyq tennısshiler osy aptadaǵy týrnırlerde sátti óner kórsetse, óz reıtıngilerin jaqsartary anyq.
Eske sala keteıik, budan buryn Elena Rybakınanyń Qazaqstan tennısshileriniń tarıhı jeńiske jetkeni týraly aıtqanyn, qazaqstandyq tennısshiniń Taılandtaǵy týrnırdiń chempıony atanǵanyn jazǵan bolatynbyz.
Sondaı-aq Qazaqstan jasóspirimder quramasynyń ÁCh irikteý týrnırindegi qarsylastary anyqtaldy.
