Qazaqstandyq tennısshiler álemdik reıtıngide joǵary kóterildi
NUR-SULTAN. QazAqparat – Qazaqstandyq tennısshiler álemdik reıtıngide joǵary kóterildi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, erler arasynda el quramasynyń úzdigi Aleksandr Býblık 38-den 37-ge joǵarylady.
Sóıtip ol óziniń rekordtyq kórsetkishine qaıta oraldy. Taǵy bir qazaqstandyq Mıhaıl Kýkýshkın de bir saty kóterilip, qazir 129-orynda tur.
Juptyq synda Andreı Golýbev 36-ornyn saqtap qalsa, Aleksandr Nedovesov 84-ten 82-ge aýysty.
Áıelder arasynda Qazaqstannyń birinshi raketkasy Elena Rybakına bir satyǵa keıin syrǵyp, 20-orynda keledi. Al ıÝlııa Pýtıntseva 35-ten 33-ke, Zarına Dııas 112-den 110-ǵa joǵarylady.
Eske sala keteıik, budan buryn qazaqstandyq jas tennısshilerdiń Ózbekstanda ótken jarysta jeńimpaz atanǵanyn, Zarına Dııastyń Chıkagoda negizgi týrnırge joldama alǵanyn jazǵan bolatynbyz.
Z.Dııas Chıkago WTA 250 týrnıriniń alǵashqy aınalymynda frantsııalyq Krıstına Mladenovıchpen kezdesedi.
Taǵy bir qazaqstandyq Anna Danılına Klıvlend WTA 250 jarysynda tartysty matchta amerıkalyq Ketı Maknallıden 6:7 (4:7), 7:5, 4:6 esebimen jeńilip qaldy.
https://kaz.inform.kz/news/tennis-zarina-diyas-chikagoda-negizgi-turnirge-zholdama-aldy_a3826934
