Qazaqstandyq tennısshiler AQSh-taǵy týrnırdiń fınalyna shyqty
NUR-SULTAN. QazAqparat – Qazaqstandyqtar Andreı Golýbev pen Aleksandr Nedovesov juptyq synda Orlando (AQSh) chellendjer týrnıriniń fınalyna shyqty, dep habarlaıdy QazAqparat tilshisi.
Dodanyń 2-raketkasy bolyp tirkelgen A.Golýbev pen A.Nedovesov jartylaı fınalda frantsııalyqtar Sadıo Dýmbııa men Faben Rebýlmen kezdesti.
Qazaqstandyq jup 1 saǵat 18 mınýtqa sozylǵan básekede 6:3, 7:5 esebimen jeńiske jetti.
A.Golýbev pen A.Nedovesov fınalda osy týrnırdiń 1-raketkalary, meksıkalyqtar Hans Hah pen Mıgel-Anhel Reıes-Varela nemese amerıkalyqtar Mıtchell Krıýger men Djekson Ýıtroý juptarynyń qaı jeńgenimen kezdesedi.
Taǵy bir qazaqstandyq Dmıtrıı Popko jekeleı synda jartylaı fınalǵa shyǵa almady. Ol úndistandyq Pradjnesh Gýnnesvarannan 0:6, 3:6 esebimen utylyp qaldy.
Eske sala keteıik, budan buryn A.Golýbev pen A.Nedovesovtiń AQSh-taǵy týrnırdiń jartylaı fınalyna shyqqanyn jazǵan bolatynbyz.
