Qazaqstandyq tennısshiler AQSh-taǵy týrnırdi jeńispen bastady
NUR-SULTAN. QazAqparat – Qazaqstandyq tennısshiler Denıs Evseev pen Beıbit Jýkaev AQSh-taǵy týrnırdi jeńispen bastady, dep habarlaıdy QazAqparat tilshisi.
Qazaqstan tennıs federatsııasynan málim etkendeı, Kanzas shtatynyń Ýıchıto qalasynda ótip jatqan ITF M25 jarysynda D.Evseev pen B.Jýkaev juptyq synda shırek fınalǵa shyqty.
Qazaqstandyq jup bastapqy kezdesýin amerıkalyqtar Aleksandr Rıchards – Averı Zavalamen ótkizip, 6:2, 6:4 esebimen jeńiske jetti.
D.Evseev pen B.Jýkaev júlde qory 25 myń AQSh dollaryna baǵalanǵan jarystyń jartylaı fınalyna shyǵý úshin ulybrıtanııalyq Devıd Foks – japonııalyq Sıýıtı Sekıgýtımen talasady.
Qazaqstandyq tennısshiler jekeleı synda da sátti óner kórsetýde. Beıbit alǵashqy aınalymda kanadalyq Djoshýa Lapadatany 6:4, 6:2 esebimen tize búktirdi.
Onyń kelesi qarsylasy – amerıkalyq Noa Chatter. Denıs taǵy bir amerıkalyq Djoshýa Shehıden aılasyn asyrdy – 6:4, 6:4.
D.Evseev ekinshi aınalymda amerıkalyq Raıan Sheınmen sheberlik baıqasady.
Eske sala keteıik, budan buryn qazaqstandyq tennısshiniń Ispanııadaǵy jarystyń jartylaı fınalyna ótkenin jazǵan bolatynbyz.
Sondaı-aq qazaqstandyq tennısshi Frantsııadaǵy týrnırdiń shırek fınalyna shyqty.
