Qazaqstandyq tennısshiler AQSh-taǵy týrnırdi jeńispen bastady
NUR-SULTAN. QazAqparat - AQSh-tyń Kerı qalasynda ótip jatqan tennısten ATP Challenger aıasyndaǵy týrnırde juptyq kezdesýler bastaldy, dep habarlaıdy QazAqparat Olympic.kz saıtyna silteme jasap.
Qazaqstandyqtar Aleksandr Nedovesov pen Andreı Golýbev birinshi kezdesýde Trıt Hıýı (Fılıppın)/Robert Galloýeı (AQSh) jubynan basym tústi. Kezdesý 1: 6, 6: 4, 7:10 esebimen aıaqtaldy.
Kelesi kezeńde otandyq tennısshiler Denıs Novıkov (AQSh)/Teımýraz Gabashvılı (Reseı) jubyna qarsy shyǵady. Polshalyq Pıter Polanskımen juptasyp óner kórsetken qazaqstandyq Dmıtrıı Popko da jeńiske jetti. Olar Roberto Sıd Sýbervı (Domınıkan Respýblıkasy)/Danıel Elaı Galan (Kolýmbııa) jubyn súrindirdi.