Qazaqstandyq tennısshi
ALMATY. 23 shilde. QazAqparat /Erlik Erjanuly/ - Keshe Ázirbaıjanda áıelder arasynda ótip jatqan "Baku Cup" halyqaralyq tennıs týrnırinde qazaqstandyq Galına Voskoboeva jartylaı fınalǵa ótti. WTA reıtınginde 162-shi satyda turǵan Galına shırek fınalda 13-shi orynda kele jatqan reseılik Anastasııa Pavlıýchenkovany 3:1 (6:7, 6:4, 6:3), esebimen utty.
Onyń jartylaı fınaldaǵy qarsylasy reseılik Ksenııa Pervak pen frantsııalyq Aravan Rezaı arasyndaǵy kezdesýdiń jeńimpazy bolady.
G. Voskoboeva buǵan deıin negizgi kestede ekinshi aınalymda rýmnııalyq Monıka Nıkýleskýdy (7:6, 6:2), al birinshi aınalymda grýzııalyq Sofııa Shapatavany (6:0, 6:0) jarys jolynan shyǵaryp tastaǵan bolatyn. Jalpy, bul dúbirli dodanyń júlde qory 220 myń AQSh dollaryn quraıdy. Ony jarystyń negizgi kestesinde baq synaǵan jekeleı syndaǵy - 32 jáne juptyq syndaǵy 16 jup óz nátıjelerine qaraı ózara bólisedi.
