Qazaqstandyq tennısshi juptyq synda Jeneva týrnırin jeńispen bastady
NUR-SULTAN. QazAqparat - Qazaqstandyq Andreı Golýbev juptyq synda Jeneva ATP 250 týrnırin jeńispen bastady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, A.Golýbev horvatııalyq Marın Chılıchpen birge alǵashqy aınalymda frantsııalyq Artýr Kazo - qytaılyq Hanven Lımen kezdesti.
Qazaqstandyq-horvatııalyq jup 7:6 (7:5), 6:3 esebimen jeńiske jetti.
Báseke 1 saǵat 22 mınýtqa sozyldy.
A.Golýbev pen M.Chılıch tórt breık-poınttyń úsheýin paıdalana bildi. Qarsylastary eki breık jasady.
Qazaqstandyq-horvatııalyq jup shırek fınalda osy jarystyń úshinshi raketkalary ońtústikafrıkalyq Raven Klasen - japonııalyq Ben Maklahlanmen sheberlik baıqasady.
Eske sala keteıik, budan buryn ıÝ.Pýtıntsevanyń Serbııa ashyq chempıonatyn jeńispen bastaǵanyn, qazaqstandyq tennısshiniń Lıon týrnıriniń shırek fınalyna shyqqanyn jazǵan bolatynbyz.
