Qazaqstandyq tennısshi juptyq synda Nur-Sultan týrnıriniń shırek fınalyna shyqty
NUR-SULTAN. QazAqparat – Qazaqstandyq Grıgorıı Lomakın ýkraınalyq Vladıslav Manafovpen birge juptyq synda elordada Forte Challenger 125 týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq-ýkraınalyq jup bastapqy kezdesýin úndistandyq Nsrıam Baladjı – slovenııalyq Blaj Rolamen ótkizýi kerek edi.
Alaıda qarsylastarynyń biriniń jaraqatyna baılanysty G.Lomakın men V.Manafov oınamaı-aq shırek fınalǵa joldama aldy.
Týrnırge arnaıy shaqyrtý alǵan taǵy bir qazaqstandyq Dostanbek Tashbolatov pen ózbekstandyq Sergeı Fomın tórtinshi raketka bolyp tirkelgen kanadalyqtar Petr Polanskı – Braıden Shnýrmen kúsh synasady. G.Lomakın men V.Manafov osy juptardyń qaı jeńgenimen kezdesedi.
Osynyń aldynda elordada ótken Forte Challenger 100 dodasynyń jeńimpazy Aleksandr Nedovesov bul joly serbııalyq Vıktor Troıtskımen jup quryp, reseılikter ıAn Bondarevskıı – Alıbek Kochmazovtyń shamasyn baıqap kóredi.
Dmıtrıı Popko grýzııalyq Aleksandr Metrevelımen birge japonııalyq Tattsýma Ito – ulybrıtanııalyq Raıan Penıstonmen oınaıdy.
Al Tımofeı Skatov jekeleı synda shırek fınalǵa shyǵý úshin aýstrııalyq Sebastıan Ofnermen talasady. Sodan keıin osy kúnniń sońǵy matchynda fın Otto Vırtanenmen birge reseılikter Bogdan Bobrov – Evgenıı Donskoımen synǵa túsedi.
Eske sala keteıik, budan buryn T.Skatovtyń ekinshi aınalymǵa shyqqanyn, E.Rybakınanyń Dohada tartysty matchta qarsylasyna ese jibergenin jazǵan bolatynbyz.
