Qazaqstandyq tennısshi juptyq synda Lıon týrnıriniń shırek fınalyna shyqty
NUR-SULTAN. QazAqparat - Qazaqstandyq tennısshi Aleksandr Nedovesov juptyq synda Lıon ATP 250 týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, A.Nedovesov ıtalııalyq Andrea Vavassorımen birge ulybrıtanııalyqtar Nıl men Ken Skýpskımen kezdesti.
Qazaqstandyq-ıtalııalyq jup 1 saǵat 23 mınýtqa sozylǵan matchta 7:6 (7:3), 6:3 esebimen jeńiske jetti.
Olar bir eıs jasap, 10 breık-poınttyń ekeýin paıdalana bildi.
Aleksandr men Andrea jartylaı fınalǵa shyǵý úshin osy dodanyń 1-raketkalary, frantsııalyqtar Per-ıÝg Erber - Nıkolıa Maıýmen talasady.
Eske sala keteıik, budan buryn ıÝlııa Pýtıntsevanyń Serbııa ashyq chempıonatyn jeńispen bastaǵanyn jazǵan bolatynbyz.
