Qazaqstandyq tennısshi juptyq synda Frantsııadaǵy týrnırdiń fınalyna shyqty
NUR-SULTAN. QazAqparat - Qazaqstandyq Anna Danılına juptyq synda Frantsııadaǵy Kontreksevıl ITF World Tennis Tour W100 týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, A.Danılına norvegııalyq Ýlrıkke Eıkerımen birge osy jarystyń birinshi raketkalary bolyp tirkelgen.
Olar jartylaı fınalda osy dodanyń úshinshi raketkalary, frantsııalyq Amandın Ess - chılılik Danıela Segelmen kezdesti.
Qazaqstandyq-norvegııalyq jup birinshi partııada aıqyn basymdylyq kórsetti - 6:1.
Olar ekinshi sette oıyn tizginin qoldarynan bosatqan joq - 6:3.
A.Danılına men Ý.Eıkerı fınalda týrnırdiń ekinshi raketkalary, belgııalyq Kımpberlı Tsımmerman - majarstandyq Dalma Galfımen bas júldeni sarapqa salady.
Taǵy bir qazaqstandyq, 20 jastaǵy Beıbit Jýkaev jekeleı synda elordada ótip jatqan ITF týrnıriniń fınalyna shyǵa almady. Ol jartylaı fınalda reseılik Evgenıı Karlovskııge 4:6, 4:6 esebimen jol berdi.
Eske sala keteıik, budan buryn qazaqstandyq tennısshiniń elorda týrnıriniń jartylaı fınalyna shyqqanyn jazǵan bolatynbyz.
