Qazaqstandyq tennısshi juptyq synda AQSh-taǵy týrnırdiń fınalyna shyqty
NUR-SULTAN. QazAqparat – Qazaqstandyq Aleksandr Nedovesov juptyq synda Delreı Bıch (AQSh) ATP 250 týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq tennısshi pákstandyq Aısam-ýl-Hak Kýreshımen birge Florıda shtatyndaǵy jarysta úshinshi raketka bolyp tirkelgen.
Qazaqstandyq-pákstandyq jup jartylaı fınalda kort ıeleri Aleks Loýson – Robert Gelloýeıdi 6:3, 6:7 (5:7), 10:4 esebimen tize búktirdi.
Saǵat jarymnan astam ýaqytqa sozylǵan báseke barysynda Nedovesov pen Kýreshı 5 eıs jasap, 3 breık-poınttyń ekeýin paıdalandy. Qarsylastary 6 eıs, 1 breıkpen kózge tústi.
Endi Nedovesov pen Kýreshı dúısenbige qaraǵan túni fınalda týrnırdiń 1-raketkalary Marselo Arevalo (Salvador) – Jan-Jıýlen Roıermen (Nıderlandy) bas júldeni sarapqa salady.
Eske sala keteıik, budan buryn Devıs kýbogy irikteý kezeńine qatysatyn Qazaqstan jasóspirimder quramasy anyqtalǵanyn jazǵan bolatynbyz.
