Qazaqstandyq tennısshi juptasyp óner kórsetýde Japonııadaǵy "Dunlop World Challenge" týrnıriniń aqtyq saıysyna joldama aldy
ALMATY. Qarashanyń 16-sy. QazAqparat /Erlik Erjanuly/ - Qazaqstandyq Alekseı Kedrıýk Kásipqoı tennısshiler qaýymdastyǵynyń (ATR) Japonııada ótip jatqan "Dunlop World Challenge" týrnıri serııasynda juptasyp óner kórsetýde japondyq Jan Mıtsýhoshımen birge aqtyq synǵa joldama aldy,
dep habarlaıdy QazAqparat.
Olar alǵashqy aınalymda jarys qojaıyndary Tatsýmo Ito men Tasýko Iýamı jubyn 6:4, 6:3 esebimen jeńdi. Shırek fınalda gollandııalyq qarsylastary Djesse Hýto Galýng pen Mılıan Nıesten syrqattaryna baılanysty jarysty orta jolda aıaqtaýyna baılanysty, birden jartylaı synǵa joldama alǵan bolatyn. Bul saıysta olardy belorýstyq Vladımır Ignatık pen avstrııalyq Greg Djonestiń juby kútip turǵan. Oıyn 7:5, 2:6, 10:6 esebimen aıaqtaldy. Endi olar aqtyq synda Hırokı Honda men Takao Sýzýkı (Japonııa) jáne Andres Jasko men Aleksandr Kýdrıavtsev (Reseı-Latvııa) juptarynyń jeńimpazymen kezdesetin bolady. Alekseı Kedrıýk jalpy atalmysh týrnırden buǵan deıin jekeleı óner kórsetý kezinde óz seriktesinen (Jan Mıtsýhoshı) alǵashqy aınalymda 6:0,6:0 esebimen oısyraı utylǵan edi.
