Qazaqstandyq tennısshi juptasyp óner kórsetýde «Brussels Open 2011» týrnıriniń shırek fınalyna shyqty
ALMATY. 17 mamyr. QazAqparat /Erlik Erjanuly/ - Qazaqstandyq Galına Voskoboeva juptasyp óner kórsetýde cheh Andrea Hlavakovamen birge Belgııadaǵy «Brussels Open 2011» halyqaralyq týrnıriniń shırek fınalyna ótti.
QR Tennıs federatsııasy taratqan habarlamaǵa qaraǵanda, olar keshe alǵashqy aınalymda latvııalyq jáne amerıkandyq dýet Lıga Dekmeıere men Megan Moýlton-Levıden 6:2, 5:7, 10:5 esebimen basym tústi. Galına men Andreanyń kelesi qarsylasy amerıkandyq Lızel Hýber - Lızoı Raımond jáne Irına Falkonı men Koko Vandevege jubtarynyń jeńimpazy bolmaq.
Halyqaralyq tennıs qaýymdastyǵynyń «Premer» dárejesindegi bul dúbirli doda mamyrdyń 14-i kúni bastalǵan bolatyn. Júlde qory 618 myń AQSh dollaryn quraıtyn báseke 22 mamyrǵa deıýin sozylady. Onda G. Voskoboeva jekeleı synda alǵashqy kezeńde belgııalyq Valerı Verhammdy 6:0, 2:6, 6:2 esebimen, al 2-kezeńde ulybrıtanııalyq Anna Kethavongty 6:3, 6:0 esebimen utqan edi.
