Qazaqstandyq tennısshi Japonııadaǵy jarystyń shırek fınalyna shyǵa almady
ASTANA. QazAqparat – Qazaqstandyq Beıbit Jýkaev Japonııada Iokkaıtı chellendjer týrnıriniń shırek fınalyna shyǵa almady, dep habarlaıdy QazAqparat tilshisi.
B.Jýkaev ekinshi aınalymda álemniń 173-inshi, osy jarystyń 3-raketkasy, japonııalyq ıÝsýke Vatanýkımen sheberlik baıqasty.
Báseke 0:6, 1:4 esebimen aıaqtaldy. Ekinshi sette altynshy geımde azdap jaraqat alǵan Beıbit matchty jalǵastyra almady.
Aqtaý tennıs mektebiniń túlegi, 22 jastaǵy B.Jýkaev bıyl óte tabysty óner kórsetti. Jyldyń basynda 728-orynmen bastaǵan Beıbit Jýkaev qazirgi kezde ATR live reıtıngisinde 311-satyda tur.
Taǵy bir qazaqstandyq, álemniń 223-raketkasy Mıhaıl Kýkýshkın Andrııa (Italııa) chellendjer dodasynda shırek fınalǵa shyǵý úshin búgin reıtıngte 264-oryndaǵy belgııalyq Mıkael Grıttspen talasady.
Eske sala keteıik, budan buryn qazaqstandyq tennısshiniń Japonııadaǵy týrnırdi jeńispen bastaǵanyn jazǵan bolatynbyz.
Sondaı-aq Elena Rybakına bir jylda 370 eıs jasap, álemde ekinshi boldy.
Tennısten Qazaqstan quramasy jańa týrnırde oınaıdy.
Foto: ktf.kz
