Qazaqstandyq tennısshi Japonııadaǵy týrnırdi jeńispen bastady
ASTANA. QazAqparat – Qazaqstandyq Beıbit Jýkaev Japonııadaǵy Iokkaıtı chellendjer týrnırin jeńispen bastady, dep habarlaıdy QazAqparat tilshisi.
Álemniń 315-raketkasy, Aqtaý tennıs mektebiniń túlegi, 22 jastaǵy B.Jýkaev bastapqy kezdesýin dúnıejúzilik reıtıngte 402-orynda turǵan japonııalyq ıÝta Shımızýmen ótkizdi.
Qazaqstandyq tennısshi 6:1, 6:4 esebimen jeńiske jetti.
Bir saǵattan astam ýaqytqa sozylǵan báseke barysynda Beıbit 7 eıs jasap, 11 breık-poınttyń tórteýin paıdalandy.
B.Jýkaev shırek fınalǵa shyǵý úshin álemniń 173-inshi, jarystyń 3-raketkasy, taǵy bir japonııalyq Esýke Vatanýkımen talasady.
Búgin taǵy eki qazaqstandyq kortqa shyǵady. Italııadaǵy Andrııa chelendjer týrnırinde Mıhaıl Kýkýshkın kort ıesi Andrea Arnaboldımen sheberlik baıqasady. Al Tımofeı Skatov Ispanııadaǵy Valensııa chellendjer dodasynda bolgarııalyq Adrıan Andreevpen kúsh synasady.
Eske sala keteıik, budan buryn qazaqstandyq tennısshilerdiń álemdik reıtıngidegi oryndary anyqtalǵanyn jazǵan bolatynbyz.
