Qazaqstandyq tennısshi Zarına Dııastyń ITF Wenshan týrnıriniń aqtyq fınalyna shyǵýǵa múmkindigi bar
ALMATY. 1 sáýir. QazAqparat /Erlik Erjanuly/ - Tennısten Qazaqstan ulttyq quramasynyń múshesi almatylyq Zarına Dııas Qytaıda ótip jatqan áıelder arasyndaǵy ITF Wenshan týrnıriniń jartylaı synyna ótti.
Ol erteń horvat Anı Mıjatsıkamen sheberlik synasady. Zarına qazir ulttyq reıtıngte ekinshi, al Búkilálemdik tennıs qaýymdastyǵynyń (WTA) reıtınginde 153-satyda tur. Qarsylasy WTA reıtınginde 389-orynǵa taban tireýde. Zarına shırek fınalda alǵashqy aınalymda ulttyq reıtıngtiń kóshbasshysy (WTA reıtınginde 329-shy) Galına Voskoboevany (6:1, 7:6) jarys jolynan shyǵarǵan japondyq Kýmıko Ilzımony (6:0, 6:0) tize búktirdi. WTA reıtınginde 209-orynda turǵan Kýmıko ótken aptada ITF Kunming týrnırinde de 6:3, 6:4 esebimen jeńlis tapqan bolatyn.
Júlde qory 50 myń AQSh dollaryn quraıtyn bul týrnırde Z. Dııas alǵashqy kezeńde WTA reıtınginde 245-oryndaǵy japondyq Rýoko Fýdany (6:0, 6:2), ekinshi aınalymda WTA retınginde 237-satyda turǵan koreıalyq So-ıÝng Kımdi ( 6:4, 6:2) tize búktirgen edi.
