Qazaqstandyq tennısshi Zarına Dıas Japonııadaǵy ITF týrnırinde shırek fınalǵa shyqty
ASTANA. 18 mamyr. QazAqparat - Qazaqstandyq tennısshi Zarına Dıas Japonııanyń Kýrým qalasynda ótip jatqan júlde qory 50 myń AQSh dollaryn quraıtyn ITF serııasyndaǵy halyqaralyq týrnırdiń shırek fınalyna ótti.
Jarystyń ekinshi aınalymynda otandasymyz týrnırdiń birinshi raketkasy reseılik Marta Sırotkınany 7:6(8:6), 6:2 esebimen tize búktirdi.
Kelesi týrda ol qytaılyq tennısshi Chjen Saısaımen kúsh synasady. Aspanasty eliniń týmasy óz kezeginde ulybrıtanııalyq tennısshi Melanı Saýtty 6:3, 7:5 esebimen jeńgen bolatyn.
