Qazaqstandyq tennısshi Ystanbul týrnırinde tabysty óner kórsetti
NUR-SULTAN. QazAqparat - Qazaqstandyq Beıbit Jýkaev Ystanbul chellendjer týrnırinde tabysty óner kórsetti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, dúnıejúzilik reıtıngte 357-satyda turǵan B.Jýkaev shırek fınalda álemniń 108-raketkasy, moldovalyq Radý Albotty jeńip kete jazdady.
Eki saǵatqa sozylǵan tartysty básekede qazaqstandyq tennısshi qatty qarsylyq kórsetip, 2:6, 6:4, 6:7 (4:7) esebimen jol berdi.
Aqtaý tennıs mektebiniń túlegi 19 eıs jasap, 3 breık-poınttyń ekeýin paıdalana bildi.
Ystanbul jarysynyń shırek fınalyna shyǵýy nátıjesinde B.Jýkaev aldaǵy dúısenbide jańartylatyn álemdik 323-orynǵa kóteriledi.
Eske sala keteıik, budan buryn Elena Rybakınanyń Slovenııadaǵy jarystyń jartylaı fınalyna shyqqanyn jazǵan bolatynbyz.
Sondaı-aq qazaqstandyq jasóspirim tennısshiler Azııa birinshiliginiń fınalyna shyqty.
