Qazaqstandyq tennısshi ıA.Shvedova Ýımbldonda adam tańǵalarlyq nátıjege qol jetkizdi
ASTANA. 2 shilde. QazAqparat - Qazaqstandyq tennısshi ıAroslava Shvedova 30 maýsym kúni Ýımbldonnyń úshinshi aınalymynda ıtalııalyq sportshy Sara Erranımen kezdesip, aıdy aspanǵa shyǵardy.
Sara Erranı - álemniń 10-ynshy raketkasy, osynyń aldynda ótken Rolan Garrostyń fınalısi. Soǵan qaramastan birinshi sette ıA.Shvedova S.Erranıǵa soqyr upaı ustatqan joq, ıaǵnı barlyq 24 upaıdy bir ózi enshiledi. Mundaı «altyn esep» tennıs tarıhynda osymen úshinshi ret qaıtalanyp otyr. Al Ýımbldonda mundaı tabysqa eshkim qol jetkizbegen. Sóıtip birinshi partııa 6:0 esebimen aıaqtalsa, ekinshi sette ıA.Shvedova 6:4 esebimen jeńip, tórtinshi aınalymǵa shyqty.
Úzdik on alty tennısshiniń qataryna qosylǵan ıA.Shvedova dúısenbi kúni 1/8 fınalda ataqty amerıkandyq Serena Ýılıamspen kúsh synasady.
Atalmysh týrnır qazaqstandyq tennısshiniń London olımpıadasyna daıarlyǵy jaqsy ekendigin baıqatyp otyr. Sonymen qatar ıA.Shvedova taǵy bir qazaqstandyq tennısshi Galına Voskoboevamen juptasyp óner kórsetýde de oń nátıjege qol jetkizýde.
