Qazaqstandyq tennısshi WTA qorytyndy týrnırin sátti bastady
ORAL. QazAqparat – Qazaqstannyń juptyq syndaǵy birinshi, álemniń 12-raketkasy Anna Danılına AQSh-tyń Fort-Ýort qalasynda ótip jatqan WTA qorytyndy týrnırin sátti bastady, dep habarlaıdy QazAqparat tilshisi.
Qazaqstandyq tennısshi brazılııalyq Beatrıs Haddad Maııamen birge Pem Shraıver tobynda bastapqy kezdesýin Gabrıela Dabrovskı (Kanada) - Djýlıana Olmos (Meksıka) jubymen ótkizdi.
Birinshi partııada Anna men Beatrıs 7:5 esebimen basym tústi.
Qazaqstandyq-brazılııalyq jup ekinshi sette birde-bir geım bergen joq – 6:0. Olar bir saǵattan astam ýaqytqa sozylǵan báseke barysynda 1 eıs jasap, 8 breık-poınttyń jeteýin paıdalandy.
Qazaqstandyq-brazılııalyq jup atalmysh topta sondaı-aq Lıýdmıla Kıchenok (Ýkraına) - Elena Ostapenko (Latvııa) jáne Elıze Mertens (Belgııa) - Veronıka Kýdermetovamen (Reseı) sheberlik baıqasady.
Ár toptan eki úzdik jup pleı-off kezeńine joldama alady.
Eske sala keteıik, budan buryn qazaqstandyq tennısshi qatysatyn WTA qorytyndy týrnıriniń jerebesi tartylǵanyn jazǵan bolatynbyz.
Sondaı-aq 15 jasar qazaqstandyq tennısshi eresekter arasyndaǵy halyqaralyq týrnırge joldama aldy.
Foto: ktf.kz
