Qazaqstandyq tennısshi Voskoboeva «Baku Cup» týrnıriniń jartylaı fınalyna shyqty
ASTANA. 21 shilde. QazAqparat - Tennısten Ázirbaıjanda ótip jatqan «Baku Cup» týrnırinde juptasyp óner kórsetýde qazaqstandyq Galına Voskoboeva men rýmynııalyq Monıka Nıkýleský jartylaı fınalǵa shyqty.
Búgin olar Nıgına Abdýraımova (Ózbekstan) men Kamıla Farhad (Ázirbaıjan) jubynan 6:2, 6:4 esebimen basym tústi. Olardyń jartylaı fınaldaǵy qarsylastary taılandtyq Noppavan Lerchevakarn men avstralııalyq Danıela Domınıkovıch atanyp otyr. Olar sársenbi kúni ýkraınalyq Tatıana Arefeva men belarýs sportshysy Anastasııa ıAkımova jubymen kezdesý ótkizip, olardy eki sette jeńip shyqqan bolatyn.
Al Voskoboeva men Monıka Nıkýleský juby bunyń aldynda 6:3, 6:2 esebimen grýzın sportshylary Tatıa Mıkadze men Sofııa Shapatavany utty.
Galına jekeleı synda da óner kórsetýin jalǵastyryp keledi. Sársenbi kúni ol rýmynııalyq Nıkýleskýdan basym túsip, shırek fınalǵa joldama aldy. Al buǵan deıin ol Sofııa Shapatavamen alǵashqy aınalymdaǵy jekeleı synda kezdesip, ony 6:0, 6:0 esebimen oısyrata utqan bolatyn. Shırek fınalǵa shyqqan Galına ózine doda júldesiniń kem degende 5340 dollar syıaqysyn qamtamasyz etti jáne Halyqaralyq áıelder tennısi qaýymdastyǵynyń reıtıngisinde 70 upaıǵa ıe boldy.
Jalpy bul básekeniń júlde qory 220 myń AQSh dollaryn quraıdy.
