Qazaqstandyq tennısshi Úndistandaǵy jarystyń fınalyna shyqty
NUR-SULTAN. QazAqparat – Qazaqstandyq Anna Danılına juptyq synda Úndistannyń Navı-Mýmbaı qalasynda ótip jatqan W25 týrnıriniń fınalyna shyqty, dep habarlaıdyQazAqparat tilshisi.
Osy jarystyń 1-raketkalary bolyp tirkelgen A.Danılına ýkraınalyq Valerııa Strahovamen birge jartylaı fınalda reseılik Ekaterına ıAshına men úndistandyq Pratana Tombaremen sheberlik baıqasty.
Qazaqstandyq-ýkraınalyq jup qarsylastaryn 6:3, 6:3 esebimen utty.
Atalmysh dodada taǵy bir qazaqstandyq Jibek Qulambaeva da fınalǵa shyǵýy múmkin. Ol latvııalyq Dıana Martsınkevıchpen birge jartylaı fınalda japonııalyqtar Naho Sato – Moıýka Ýchıjımamen oınaıdy.
Eske sala keteıik, budan buryn Anna Danılınanyń Úndistandaǵy týrnırdiń jeńimpazy atanǵanyn, Elena Rybakınanyń álemdik reıtıngide jyldy TOP-15-te aıaqtaǵanyn jazǵan bolatynbyz.
