Qazaqstandyq tennısshi Ýımbldon jastar týrnıriniń irikteý saıysynda baq synaıdy
NUR-SULTAN. QazAqparat – Qazaqstandyq Tatıana Nıkolenko Ýımbldon jastar týrnıriniń irikteý saıysynda baq synaıdy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Óskemen tennıs mektebiniń túlegi T.Nıkolenko jastar arasynda Ýımbldon dodasynda synǵa túsetin el tarıhyndaǵy ekinshi oıynshy bolmaq.
Budan jeti jyl buryn Ásııa Daır negizgi týrnırge sál ilikpeı qalǵan bolatyn. Onda ol irikteý saıysynyń ekinshi kezeńinde ulybrıtanııalyq Peppe Hornǵa ese jibergen edi.
«Tanıanyń «Úlken dýlyǵa» jarysyndaǵy joly bıyl jyl basynda Aýstralııada bastalýy kerek edi. Alaıda pandemııaǵa baılanysty ol múmkin bolmady. Sodan keıin Frantsııaǵa Rolan Garrosqa barýymyz qajet edi, biraq vızany rásimdeı almadyq. Qazirgi kezde qyzym Londonda, 1 shildede irikteý saıystary bastalady. Jerebeden keıin alǵashqy qarsylasyn biletin bolamyz», dedi sportshynyń ákesi ıÝrıı Nıkolenko.
Jastar arasynda jańartylǵan álemdik reıtıngte 17 jastaǵy T.Nıkolenko 85-orynda keledi.
Eske sala keteıik, budan buryn Elena Rybakınanyń Ýımbldon týrnırin jeńispen bastaǵanyn, qazaqstandyq tennısshilerdiń Olımpıadanyń taǵy bir joldamasyna ıe bolǵanyn jazǵan edik.
Búgin eresekter arasynda Ýımbldonda Qazaqstannan Aleksandr Býblık, Mıhaıl Kýkýshkın, Elena Rybakına, ıÝlııa Pýtıntseva jáne Zarına Dııas kortqa shyǵady.
