Qazaqstandyq tennısshi Túrkııadaǵy jarystyń shırek fınalyna ótti
Qazaqstan tennıs federatsııasynan málim etkendeı, 17 jasar A. Saǵyndyqova jekeleı synda alǵash ret eresekter arasyndaǵy jarystyń shırek fınalyna shyǵyp otyr.
Arýjan ekinshi aınalymda shvetsııalyq ıÝlııa Lokvıstti bet qaratpaı utty – 6:3, 6:1.
A. Saǵyndyqova jartylaı fınalǵa shyǵý úshin erteń serbııalyq Natalııa Senıch nemese japonııalyq Koharý Nıımıdiń bireýimen talasady.
Taǵy bir qazaqstandyq Janel Rústemova ekinshi aınalymda jarystyń 5-raketkasy, reseılik Anna Ýrekemen kezdesti. Birinshi partııada reseılik sportshy basymdylyq tanytty – 7:5. Ekinshisinde Janel ese qaıyrdy – 6:4. Sheshýshi, úshinshi sette qazaqstandyq tennısshi 0:4 esebimen utylyp jatyp, qatarynan úsh geım aldy. Alaıda, odan árige shamasy jetpedi – 3:6.
Degenmen, J. Rústemova juptyq synda jarysty jalǵastyrady. Ol Sandýǵash Kenjebaevamen birge shırek fınalda týnıstik Ál Zeıneb - reseılik Marııa Sysoevamen sheberlik baıqasady.
Eske sala keteıik, budan buryn qazaqstandyq jas tennısshilerdiń Túrkııadaǵy týrnırdiń ekinshi aınalymyna shyqqanyn jazǵan bolatynbyz.