Qazaqstandyq tennısshi Taılandtaǵy jarystyń shırek fınalyna shyqty
NUR-SULTAN. QazAqparat – Qazaqstandyq Grıgorıı Lomakın juptyq synda Nontabýrıde (Taıland) ótip jatqan ATP Challenger Tour Bangkok Open 3 jarysynyń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi taıbeılik Reı Homen birge bastapqy kezdesýin sátti ótkizdi.
G.Lomakın men R.Ho kort ıeleri Chaıarın – Noıkordy 6:1, 7:6 (9:7) esebimen tize búktirdi.
Qazaqstandyq-taıbeılik jup jartylaı fınalǵa shyǵý úshin ońtústikkoreıalyq ıÝnsýng Chýn – jańazelandııalyq Ajet Reımen talasady. Olar japonııalyqtar Sındzı Hazava – ıÝsýke Vatanýkıdi utty – 6:1, 6:3.
Taǵy bir qazaqstandyq, reıtıngte 355-oryndaǵy Beıbit Jýkaev jekeleı synda ekinshi aınalymda álemniń 242-inshi, osy dodanyń 1-raketkasy ıÝ.Vatanýkıge ese jiberdi – 3:6, 3:6.
Eske sala keteıik, budan buryn TOP-10-ǵa kiretin bes tennısshiniń Astana Open ATP 500 týrnırinde óner kórsetetinin jazǵan bolatynbyz.
Sondaı-aq tennısshi Beıbit Jýkaev QR Prezıdenti kýbogynyń 3 dúrkin chempıonyn utty.
Foto: ktf.kz
