Qazaqstandyq tennısshi Taılandtaǵy týrnırdiń jartylaı fınalyna shyqty

ASTANA. QazAqparat – Qazaqstandyq Grıgorıı Lomakın Nakhonsıthammaratta (Taıland) ótip jatqan ITF týrnıriniń jartylaı fınalyna shyqty, dep habarlaıdy QazAqparat tilshisi.

Dúnıejúzilik reıtıngte 1060-orynda turǵan qazaqstandyq tennısshi jekeleı synda áýeli taılyq Chanon Phýnsavattan aılasyn asyrdy.

Ekinshi aınalymda álemniń 792-raketkasy, aýstralııalyq Djeıkob Bredshoýdy 6:3, 5:7, 6:4 esebimen tize búktirdi.

G.Lomakın shırek fınalda taǵy bir taılyq, álemniń 738-inshi, jarystyń 2-raketkasy Maksımýs Djonsty joldan taıdyrdy – 7:5, 6:2.

Grıgorıı Lomakın fınalǵa shyǵý úshin reıtıngte 1129-satydaǵy malaızııalyq Mıtsýkı Veı Kan Leongpen talasady.

Qazaqstandyq tennısshi M.Djonspen birge juptyq synda da tabysty óner kórsetip, jartylaı fınalǵa ótti.

Eske sala keteıik, budan buryn Elena Rybakınanyń alǵash ret WTA qorytyndy týrnırinde oınaıtynyn jazǵan bolatynbyz.

Sondaı-aq Jibek Qulambaeva Italııadaǵy jarystyń jartylaı fınalyna shyqty.