Qazaqstandyq tennısshi Taıland týrnırin jeńispen bastady
NUR-SULTAN. QazAqparat – Qazaqstandyq Denıs Evseev Taıland chellendjer týrnırin jeńispen bastady, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, D.Evseev ATP Challenger Tour jarysynda bastapqy kezdesýin taıbeılik Sıýı ıÝıamen ótkizdi.
Birinshi partııa barysynda úshinshi geımde Denıs breık jasap, 2:1 esebimen alǵa shyqty. Budan keıin Sıýı matchty jalǵastyrýdan bas tartty.
D.Evseev ekinshi aınalymda frantsııalyq Kırıan Jakemen kortqa shyǵady. Ol taılandtyq Kasıdıt Samreıdi tize búktirdi – 6:2, 4:6, 6:4.
Taılandtaǵy osy dodada taǵy bir qazaqstandyq Beıbit Jýkaev alǵashqy aınalymda úsh sette aýstralııalyq Omar ıAsıkaǵa jol berdi – 6:4, 3:6, 3:6.
Búgin sondaı-aq bıylǵy «Úlken dýlyǵa» týrnıriniń sońǵysy – AQSh ashyq chempıonatynyń irikteý saıystary bastalady. Munda Dmıtrıı Popko men Mıhaıl Kýkýshkın negizgi dodaǵa ótýge tyrysyp kóredi. D.Popko búgin ıtalııalyq Andrea Pellegrınomen kúsh synasady. M.Kýkýshkın erteń argentınalyq Nıkolas Kıkermen sheberlik baıqasady.
Eske sala keteıik, budan buryn qazaqstandyq 6 jasar tennısshiniń Rafael Nadal akademııasy týrnıriniń fınalısi atanǵanyn jazǵan bolatynbyz.
Foto: ktf.kz
