Qazaqstandyq tennısshi Slovakııadaǵy týrnırdiń shırek fınalyna shyqty
NUR-SULTAN. QazAqparat – Qazaqstandyq Aleksandr Nedovesov juptyq synda Bratıslava (Slovakııa) chellendjer týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ýkraınalyq Denıs Molchanovpen birge bastapqy kezdesýin argentınalyqtar Rentso Olıvo – Federıko Korıamen ótkizdi.
Osy dodanyń 1-raketkasy bolyp tirkelgen qazaqstandyq-ýkraınalyq jup 6:3, 7:5 esebimen jeńiske jetti. Báseke 1 saǵat 15 mınýtqa sozyldy.
A.Nedovesov pen D.Molchanov bir eıs jasap, bes breıkke qol jetkizdi. Qarsylastary eki breıkpen shekteldi.
Qazaqstandyq-ýkraınalyq jup jartylaı fınalǵa shyǵý úshin shveıtsarııalyq Lýka Margarolı – úndistandyq Shrırambala Naraıanasvamımen talasady.
Taǵy bir qazaqstandyq Dmıtrıı Popko mysyrlyq Mohamed Safvatpen birge juptyq synda Almatyda ótip jatqan chellendjer týrnırinde shırek fınalǵa shyqty. Olar osy jarystyń 2-raketkasy bolyp tirkelgen kanadalyq Breıden Shnýr – taıbeılik Tsýn-Hýa ıAndy 7:6 (7:4), 6:3 esebimen tize búktirdi.
Bul jup shırek fınalda chılılik Tomas Barrıos – ıtalııalyq Rıkkardo Bonadıomen sheberlik baıqasady.
D.Popko men Tımofeı Skatov Almaty dodasynda jekeleı synda da óner kórsetýin jalǵastyrady.
Eske sala keteıik, budan buryn T.Skatovtyń Almaty týrnıriniń shırek fınalyna shyqqanyn jazǵan bolatynbyz. Elena Rybakına juptyq synda Rolan Garros týrnıriniń jartylaı fınalyna shyǵa almady.
