Qazaqstandyq tennısshi Shveıtsarııadaǵy týrnırdiń chempıony atandy
NUR-SULTAN. QazAqparat – Qazaqstandyq Anna Danılına grýzııalyq Ekaterına Gorgodzemen birge juptyq synda Shveıtsarııadaǵy W60 BELLINZONA ITF týrnıriniń chempıony atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq-grýzııalyq jup júlde qory 60 myń AQSh dollaryna baǵalanǵan jarystyń fınalynda kanadalyq Rebekka Marıno – japonııalyq ıÝkı Naıtomen kezdesti.
A.Danılına men E.Gorgodze basty básekede 7:5, 6:3 esebimen jeńiske jetti.
Doda barysynda olar alǵashqy aınalymda kort ıeleri Djennı Derst – Sebastıana Skllıpotıdiń 6:2, 6:2 esebimen tize búktirdi. Sosyn shırek fınalda ýkraınalyq Angelına Kalınına – reseılik Valerııa Savınyhtan aılasyn asyrdy – 7:6, 6:4.
Jartylaı fınalda qazaqstandyq pen grýzııalyq sportshy chehııalyqtar Anastasııa Detıýk – Iohana Markovamen kortqa shyqty. Bul jup shırek fınalda osy jarystyń 1-raketkalary belorýssııalyq Lıdııa Morozova – rýmynııalyq Krıstına-Andrea Mıtýdi 7:6, 3:6, 10:8 esebimen jeńip ketken edi. Degenmen olar A.Danılına men E.Gorgodzege qarsylyq kórsete almady – 2:6, 2:6.
Eske sala keteıik, budan buryn ıÝ.Pýtıntsevanyń Charlston jarysynyń jartylaı fınalyna shyǵa almaǵanyn, qazaqstandyq juptyń Horvatııada jeńimpaz atanǵanyn jazǵan edik.
