Qazaqstandyq tennısshi Shvetsııadaǵy jarystyń jartylaı fınalyna ótti
NUR-SULTAN. QazAqparat – Qazaqstandyq Aleksandr Nedovesov juptyq synda Bastad (Shvetsııa) ATP 250 jarysynyń jartylaı fınalyna ótti, dep habarlaıdy QazAqparat tilshisi.
A.Nedovesov serbııalyq Nıkola Kachıchpen birge bastapqy kezdesýinde taǵy bir qazaqstandyq Andreı Golýbev pen argentınalyq Maksımo Gonsalesti utty – 6:3, 6:4.
Qazaqstandyq-serbııalyq jup ekinshi aınalymda reseılik Pavel Kotov – shveıtsarııalyq Mark-Andrea Hýslermen kúsh synasyp, jeńiske jetti – 4:6, 6:2, 10:3.
Bir saǵattan astam ýaqytqa sozylǵan báseke barysynda A.Nedovesov pen N.Kachıch 4 eıs jasap, 6 breık-poınttyń teń jartysyn múlt jibergen joq.
Olardyń jartylaı fınaldaǵy qarsylastary keıin anyqtalady.
Eske sala keteıik, budan buryn ıÝlııa Pýtıntsevanyń Býdapesht týrnırin jeńispen bastaǵanyn, Elena Rybakınanyń Almatydaǵy kezdesýin keıinge qaldyrǵanyn jazǵan bolatynbyz.
Sondaı-aq Aleksandr Býblık Nıýport týrnıriniń shırek fınalyna shyqty.
