Qazaqstandyq tennısshi Serbııada shırek fınalǵa shyqty
NUR-SULTAN. QazAqparat – Qazaqstandyq Jibek Qulambaeva juptyq synda Serbııadaǵy Prokýple ITF W25 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi úndistandyq Prathan Thombaremen birge bastapqy kezdesýin reseılik Darıa Lodıkova – germanııalyq Lýıza Meıer-Haıdemen ótkizdi.
Jarystyń birinshi raketkasy bolyp tirkelgen J.Qulambaeva men P.Thombare 7:5, 6:4 esebimen jeńiske jetti.
Qazaqstandyq-úndistandyq jup jartylaı fınalǵa shyǵý úshin serbııalyqtar Ivana Iorovıch – Deıana Radanovıchpen talasady.
Jekeleı synda Jibek alǵashqy aınalymda ıspanııalyq Leıra Romeroǵa ese jiberdi – 3:6, 1:6.
Taǵy bir qazaqstandyq, álemniń 33-raketkasy ıÝlııa Pýtıntseva Istborn WTA 500 jarysynyń úshinshi aınalymynda reıtıngte ózinen úsh saty tómen turǵan ýkraınalyq Angelına Kalınınadan utylyp qaldy – 3:6, 6:2, 3:6. Sóıtip shırek fınalǵa shyǵa almady.
Eske sala keteıik, budan buryn Mıhaıl Kýkýshkınniń Ýımbldonda irikteý saıystarynyń fınalyna shyqqanyn, Zarına Dııastyń bıylǵy jarystarǵa qatysa almaıtynyn málimdegenin jazǵan bolatynbyz.
Sondaı-aq Aleksandr Býblık Istborn týrnıriniń shırek fınalyna ótti.
