Qazaqstandyq tennısshi S.Karatancheva AQSh-ta ótip jatqan ITF Troy halyqaralyq týrnıriniń shırek fınalyna shyqty
ASTANA. 14 qazan. QazAqparat - Qazaqstandyq tennısshi Sesıl Karatancheva AQSh-ta ótip jatqan júlde qory 50 myń dollardy quraıtyn ITF Troy halyqaralyq týrnıriniń shırek fınalyna shyqty, dep habarlady QR Tennıs federatsııasynyń baspasóz qyzmetinen.
Ekinshi aınalymda S.Karatancheva týrnır qojaıyny Aleksý Kıngti eki sette 6:1, 6:3 esebimen jeńdi. Al shırek fınalda ol taǵy bir amerıkandyq sportshy Greıs Mınmen kúsh synasady.
Esterińizge sala keteıik, birinshi aınalymda qazaqstandyq tennısshi amerıkandyq Melanı Oýdındi 6:1, 6:3 esebimen utqan bolatyn.
