Qazaqstandyq tennısshi Rolan Garros týrnıriniń irikteý saıysyn jeńispen bastady
ORAL. QazAqparat - Frantsııanyń ashyq chempıonaty - Rolan Garros týrnıriniń irikteý saıysynda qazaqstandyq Zarına Dııas alǵashqy kezdesýinde amerıkalyq sportshy Sachııa Vıkerımen kúsh synasty, dep habarlaıdy «QazAqparat» tilshisi.
Zarına atalmysh kezdesýdiń birinshi partııasynda qarsylasyn 6:0 esebimen bet qaratpaı utty. Esesine ekinshi partııada 1:6 esebimen ese jiberdi. Degenmen sheshýshi partııada sheberligin tanyta bilgen Z. Dııas 6:2 esebimen álemdik reıtıngte ózinen joǵary, 134-inshi orynda turǵan Sachııanyń saǵyn syndyrdy.
www.myscore.ru saıtynan alynǵan málimetke qaraǵanda, Z.Dııas irikteý saıysynyń jartylaı fınalynda slovenııalyq P.Hertsog nemese frantsııalyq T.Hannyń qaı jeńgenimen kezdesedi.
Aıta keteıik, kezinde sheber óner kórsetip, úzdik otyzdyqqa jaqyndaǵan Zarına jaraqatyna baılanysty emdelip, qatarǵa qaıta qosylǵan bolatyn. Qazir ol 182-inshi satyda tur. Eger qazaqstandyq tennısshi Rolan Garros syndy «Úlken dýlyǵa» týrnırinde neǵurlym sátti óner kórsetse, soǵurlym molyraq upaı jınap, reıtıngte joǵarylary anyq.
Frantsııa ashyq chempıonatynyń negizgi týrnıri 28 mamyrda bastalyp, eki aptaǵa sozylady. Oǵan Qazaqstannyń mańdaıaldy tennısshileri ıÝlııa Pýtıntseva, ıAroslava Shvedova, Mıhaıl Kýkýshkın irikteý saıystaryna qatyspastan, birden qosylady.
