Qazaqstandyq tennısshi Rolan Garros týrnıriniń irikteý saıysyn sátti bastady
NUR-SULTAN. QazAqparat – Qazaqstandyq Dmıtrıı Popko Rolan Garros týrnıriniń irikteý saıysyn sátti bastady, dep habarlaıdy QazAqparat tilshisi.
Álemniń 194-raketkasy D.Popko «Úlken dýlyǵa» týrnıriniń biri – Frantsııa ashyq chempıonatynyń irikteý jarysynda kort ıesi, dúnıejúzilik reıtıngte 375-orynda turǵan Martıno Matteomen kezdesti.
Birinshi partııada taı-breıkte qazaqstandyq tennısshiniń asyǵy alshysynan tústi – 7:6 (7:3).
Ekinshi sette frantsııalyq tennısshi basymdylyq tanytty – 6:4.
Úshinshi, sheshýshi partııada D.Popko tarazy basyn ózine aýdara aldy – 6:4.
Tartysty báseke 2 saǵat 28 mınýtqa sozyldy.
D.Popko irikteý saıystarynyń jartylaı fınalynda álemniń 128-raketkasy, ıspanııalyq Bernabe Mırales Sapatamen sheberlik baıqasady. Ol alǵashqy kezdesýinde taǵy bir frantsııalyq Krıstıan Jakeni súrindirdi – 4:6, 6:1, 6:4.
Eske sala keteıik, budan buryn Aleksandr Býblıktiń álemdik reıtıngide 37-orynǵa kóterilgenin, ıÝlııa Pýtıntsevanyń Strasbýrg týrnıriniń ekinshi aınalymyna shyqqanyn jazǵan bolatynbyz.
