Qazaqstandyq tennısshi Rımde negizgi týrnırge joldama aldy
NUR-SULTAN. QazAqparat – Qazaqstandyq Denıs Evseev Rım (Italııa) chellendjer týrnıriniń irikteý saıysyn sátti ótkizdi, dep habarlaıdy QazAqparat tilshisi.
Qazaqstan tennıs federatsııasy málim etkendeı, D.Evseev irikteý saıystarynyń fınalynda ýkraınalyq Vladıslav Orlovpen kezdesti.
Qazaqstandyq tennısshi birinshi partııada aıqyn basymdylyq kórsetti – 6:2.
Ekinshi sette alǵashqy úsh geımdi qarsylasyna berip qoıǵanymen, der kezinde jınala bildi – 6:4.
Osylaısha, qazaqstandyq sportshy negizgi týrnırge joldama aldy.
D.Evseev júlde qory 45 myń eýroǵa baǵalanǵan jarystyń alǵashqy aınalymynda ıtalııalyq Alessandro Djanessımen sheberlik baıqasady.
Taǵy bir qazaqstandyq Tımofeı Skatov Rım týrnıriniń birinshi aınalymynda osy dodanyń ekinshi raketkasy, ulybrıtanııalyq Djek Dreıperge jol berdi – 2:6, 1:6.
Eske sala keteıik, budan buryn Elena Rybakınanyń álemdik reıtıngide 18-orynǵa kóterilgenin, tennısten Qazaqstan jasóspirimder quramasynyń Indonezııany oısyrata utqanyn jazǵan bolatynbyz.
