Qazaqstandyq tennısshi reıtıngte joǵary kóterildi
NUR-SULTAN. QazAqparat – Kásipqoı tennısshiler qaýymdastyǵy (ATP) jańartylǵan reıtıngti jarııa etti, dep habarlaıdy QazAqparat tilshisi.
Qazaqstandyqtar Aleksandr Býblık 50-inshi, Mıhaıl Kýkýshkın 89-ornynda qaldy.
Esesine Dmıtrıı Popko 172-den 170-satyǵa kóterildi.
Úzdik úshtikte burynǵysha serbııalyq Novak Djokovıch, ıspanııalyq Rafael Nadal, aýstrııalyq Domınık Tım keledi.
Juptyq synda M.Kýkýshkın 76-ynshy, Andreı Golýbev 88-inshi, A.Býblık 90-ynshy, Aleksandr Nedovesov 131-ornynda qaldy.
Áıelder tennıs qaýymdastyǵy (WTA) jarııalaǵan reıtıngte qazaqstandyqtardyń orny ózgergen joq. Elena Rybakına 19-ynshy, ıÝlııa Pýtıntseva 28-inshi, Zarına Dııas 79-satyda keledi.
Reıtıngte burynǵysha aýstralııalyq Eshlı Bartı kósh bastasa, rýmynııalyq Sımona Halep ekinshi, japonııalyq Naomı Osaka úshinshi orynda.
Juptyq synda Galına Voskoboeva 71-inshi, Anna Danılına 135-inshi, ıÝ.Pýtıntseva 186-ornyn saqtap qaldy.
Eske sala keteıik, budan buryn Dmıtrıı Popkonyń Brazılııadaǵy týrnırdiń shırek fınalyna ótkenin jazǵan bolatynbyz.
Qazaqstandyq tennısshi budan keıin kolýmbııalyq Danıel Elahı Galan Rıveroske jol berip, jartylaı fınalǵa shyǵa almady.
